Quando acabamos de sofrer umha
intensa campanha do espanholismo para nos meter polos olhos as suas seleçons, a
sua bandeira e todo o imaginário negador da Galiza como realidade
nacional, cultural e lingüística diferenciada, é um bom momento para o
contra-ataque.
A afirmaçom em primeira pessoa da
nossa identidade, do nosso direito à existência, expressa-se nesta nova ediçom
do Festival da Terra e da Língua através da reivindicaçom de seleçons
desportivas próprias e com direito à participaçom em torneios oficiais de
caráter internacional.
Esse é o motivo central do Festival
deste ano. Para essa causa convocamos-vos mais umha vez, como cada ano, desta
vez num novo cenário do mesmo concelho de Narom. Para juntos e juntas reafirmarmos,
com festa, música e desporto, que a Galiza é umha naçom e que tem direito à
existência em plenitude. A Fundaçom Artábria, que leva já 14 anos de atividade
constante em prol da construçom nacional e de defesa da nossa língua, espera
contar com a tua presença para, entre todos e todas, gritarmos: